Ek Raat Ki Kahaani

Kabhi raat ki khamoshi mein
hawa ka shor ghul jaata hai
toh woh raat badi nam ho jati hain

Aasman ko raat se shiqva hai
raat ki vajah se subah mit jaata hai
Aur aasman ko khud se ladkar
har pehar apni shakl badalni padti hai

raat har din dhalne ka intezaar karti hai
aur har roz marne ki koshish karti hai

Aasman bas dekhta rehta hai
kabhi jab woh samajh jaata hai,
toh dar kar subah ki garmi mein
panah lekar raat ko mita deta hai

Par kabhi nazarandaaz kar
apni dhun mein woh bas
Subah ki zulfon se khelte hue
baadalon ko sajaata rehta hai

Kabhi woh shaam aayegi
jab raat mar chuki hogi
taare aayenge use dekhne

Aasman bada soona hoga...
taaron ke bina...
hogi toh bas,
subah ki garmi