Kuch chaha tha kabhi, na mila na sahi
Kuch paaya that kabhi, na chaha na sahi
Phir kuch chahne ko
Apna khoon jalaane ko
Bheegi pyaas bujhane ko
Phir se jee uthne ko
Man chala…
Kuch socha tha kabhi, sach na tha na sahi
Kuch nibhaya tha kabhi na tika na sahi
Ab beete pal bhulane ko
phir veeran hojaane ko
ek nayi soch jagaane ko
naya kuch nibhane ko
man chala…
kuch hua tha kabhi, bura tha bura hi sahi
kuch samjha tha kabhi galat hua galat hi sahi
ab naya kuch samajhne ko
apni raah khud banana ko
door tak chalne ko
thakne par daudne ko
man chala…
kuch toota tha kabhi, na juda na sahi
kuch bikhra tha kabhi na sambhla na sahi
ab tukdon ko sametne ko
har aansoon pirone ko
tinkon se shabd jodne ko
ek kavita sajaane ko
man chala…
kuch choota tha kabhi, koi saath nahi abhi
kuch choda tha kabhi, koi paas nahi abhi
ab khud se ladne ko
khud ko jeetne ko
phir ek armaan jagaane ko
khud se pyaar karne ko
man chala…
1 comment:
tab kuch tha, ab kuch nahin?
sachmuch tha sab kuch? nahin!
hai dushman bhala
manchala man chala
interesting read! :)
i found a few parts weak.. but i donno if u were tryin to be technically right so i will let that be!
Post a Comment